Twee honderd jaar na Jonadab se optrede saam
met Joab en sy bevel aan sy nageslag kom die Here en eer hierdie mense wat nie
eens Israelliete is nie – daar sal nooit (en nooit is n baie lang tyd) ‘n man
ontbreek wat altyd voor My aangesig sal staan nie. Toe Jonadab hierdie besluit
geneem het het hy nie geweet dat die Here vir sy nageslag hierdie fantastiese
belofte sal gee nie. Hy het gedoen wat reg is en sy nakomelinge bevel om reg te
lewe – hy het nie eens geweet of hulle dit sal hou nie. Hy was nie eens een van
die uitverkore volk nie, hy het geen 'guarantees' gehad nie – maar hy het gedoen
wat reg is...
Die besluite wat ons neem beinvloed nie net
onsself nie, maar selfs geslagte tot 200 jaar later. Tweehonderd jaar later is
ongeveer 6 generasies. Kan dit Jou kinders se agterkleinkinders wees?!
In vier generasies is daar ongeveer 30
voorouers in tien generasies is daar 2 046 voorouers
Ons sien in die ou testament dat God ‘n God
van generasies is – Hy noem himself die God van Abraham Isak en Jakob. En ons
sien dat God ‘n belofte maak in een generasie en dat dit eers in generasies
later tot stand kom. Soos die belofte aan Abraham dat h ‘n groot nasie sal wees
– en Abraham het net een kind gehad!
Jer 35
